ផ្ដល់ភាពស្របច្បាប់ និងងាយស្រួលដល់ប្រជាពលរដ្ឋដែលមានទីលំនៅអចិន្រ្តៃយ៍ក្នុងខេត្តជាប់ព្រំដែន(កម្ពុជា-ថៃ)ក្នុងការឆ្លងកាត់ចេញចូលតាមច្រកទ្វារព្រំដែនអន្តរជាតិក្នុងខេត្តឧត្ដរមានជ័យ។

-អនុក្រឹត្យលេខ១៨ អនក្រ.បក ចុះថ្ងៃទី០៨ ខែកុម្ភៈ ឆ្នាំ២០១៧ ស្ដីពីការបង្កើតយន្តការច្រកចេញចូលតែមួយសម្រាប់ការផ្តល់សេវារដ្ឋបាលនៅរដ្ឋបាលថ្នាក់ក្រោមជាតិ -អនុក្រឹត្យលេខ២៧២ អនក្រ.បក ចុះថ្ងៃទី២៨ ខែធ្នូ ឆ្នាំ២០១៦ ស្ដីពីប័ណ្ណព្រំដែន កម្ពុជា-ថៃ -ប្រកាសលេខ១៤៧៧ ប្រក ចុះថ្ងៃទី០៦ ខែមិថុនា ឆ្នាំ២០១៧ ស្ដីពីបែបបទ និងនីតិវិធីនៃការផ្ដល់ប័ណ្ណព្រំដែនកម្ពុជា-ថៃ

ប្រជាពលរដ្ឋខ្មែរដែលមានលំនៅដ្ឋានអចិន្រ្តៃយ៍នៅក្នុងខេត្តឧត្ដរមានជ័យ

លិខិត/ប័ណ្ណឆ្លងព្រំដែន (laissez-passer)

   -  តម្លៃសេវាជាក់លាក់ :     ២០០០០រៀល ក្នុង ១ក្បាល

   -  រយៈពេលអតិបរមា  :       ០៥ថ្ងៃ     (ថ្ងៃធ្វើការ)

   -  សុពលភាព :                ២ឆ្នាំ

ដើម្បីទទួលបានលិខិត/ប័ណ្ណព្រំដែន (laissez-passer) អ្នកស្នើសុំសេវាត្រូវយកភ្ជាប់មកជាមួយ រួមមាន៖

១- ពាក្យស្នើសុំប័ណ្ណព្រំដែនចំនួន១ច្បាប់ ដោយមានបិទរូបថត ចុះហត្ថលេខា ឬផ្ដិតស្នាមមេដៃស្ដាំរបស់សាមីខ្លួននៅលើពាក្យស្នើសុំ ២- រូបថតទំហំ ៤ x ៦   ចំនួន  ២សន្លឹក  ៣-អត្តសញ្ញាណប័ណ្ណសញ្ជាតិខ្មែរ ឬសំបុត្រកំណើត ឬសំបុត្របញ្ជាក់កំណើត ដែលជាច្បាប់ដើម        ឬថតចម្លងត្រឹមត្រូវតាមច្បាប់ដើម               ចំនួន១ ច្បាប់ ៤-សៀវភៅគ្រួសារឬសៀវភៅស្នាក់នៅ។