ប្រវត្តិថ្នាក់ដឹកនាំខេត្ត(1969->2023)
- លោក ជា គឹមអេង ជាអភិបាលខេត្តដំបូងគេរហូតដល់ឆ្នាំ១៩៦៩ ដែលពេលនោះខេត្តឧត្តរមានជ័យ មានស្រុកចំនួន ៥ គឺ៖
- ស្រុកសំរោង(ទីរួមស្រុកនៅផ្អុង)មានឃុំចំនួន៥ រួមមាន ឃុំសំរោង ឃុំគោកខ្ពស់ ឃុំក្បាលស ឃុំកូនគ្រៀល និងឃុំគោកភ្លុក។
- ស្រុកចុងកាល់(ទីរួមស្រុកនៅចុងកាល់) មានឃុំចំនួន៤ រួមមាន ឃុំចុងកាល់ ឃុំជើងទៀន ឃុំក្រសាំង និងឃុំពង្រ។
- ស្រុកបន្ទាយឆ្មារ(ទីរួមស្រុកនៅអំពិល) មានឃុំចំនួន៤ រួមមាន ឃុំបន្ទាយឆ្មារ ឃុំអំពិល ឃុំទឹកជុំ និងឃុំគោកមន។
- ស្រុកអង្គរជុំ(ទីរួមស្រុកនៅអន្លង់វែង) មានឃុំចំនួន៤ រួមមាន ឃុំថ្កូវ ឃុំអន្លង់វែង ឃុំផ្អាវ និងឃុំរំចេក។
- ស្រុកប្រាសាទរវៀង(ទីរួមស្រុកនៅត្រពាំងតាវ) មានឃុំចំនួន៤ រួមមាន ឃុំរនាម ឃុំរនាមថ្មី ឃុំណារិន និងឃុំស្អាក ។
- លោក ឡុក ធិច ជាអភិបាលខេត្ត បានរយៈពេល២០ថ្ងៃ ត្រូវបានខ្មែរក្រហមពួនស្ទាក់បាញ់ស្លាប់ នៅក្បែរស្ពានខាងត្បូភូមិពង្រ ឃុំពង្រ ស្រុកចុងកាល់
- លោក គៀន ទ្រី ជាអភិបាលខេត្ត ដល់ឆ្នាំ១៩៧៤។
- លោក គឹង សាម៉ន ជាអភិបាលខេត្ត ពីឆ្នាំ១៩៧៤ ដល់ឆ្នាំ១៩៧៥។
- សមមិត្ត ហួត ហ៊ិន ហៅមិត្ត កើត តួនាទីជាប្រធានគណៈបម្រើប្រជាជនតំបន់១០៦(ខេត្តឧត្តរមានជ័យ)សម័យកម្ពុជាប្រជាធិបតេយ្យ (១៩៧៥: មិនចាំប្រវត្តិថានឹងដឹកនាំដល់ពេលណាព្រោះប្រជាជនត្រូវបានជម្លៀសតាមសម្រង់សម្តីឯកឧត្តម ជុំ ស៊ីម)
- ឯកឧត្តម ចំរើន ជាតិ ជាអភិបាលខេត្ត ពីឆ្នាំ១៩៩៩ ដល់ឆ្នាំ២០០០។
- ឯកឧត្តម ឡុង សារិន ជាអភិបាលខេត្ត ពីឆ្នាំ២០០០ ដល់ឆ្នាំ២០០១។
- ឯកឧត្តម ឡៃ វីរៈ ជាអភិបាលខេត្ត ពីឆ្នាំ២០០១ ដល់ឆ្នាំ២០០៥។
- ឯកឧត្តម គុជ ម៉ូលី ជាអភិបាលខេត្ត ពីឆ្នាំ២០០៥ ដល់ឆ្នាំ២០០៦។
- ឯកឧត្តម ប៉ិច សុខិន ជាអភិបាលខេត្ត ពីឆ្នាំ២០០៦ ដល់ឆ្នាំ២០០៩។(តាមព្រះរាជក្រឹត្យលេខ ន.ស ១៤០រកត/០៣/០៦/០៦)
- ឯកឧត្តម ប៉ិច សុខិន ជាអភិបាលខេត្ត ពីឆ្នាំ២០០៩ ដល់ឆ្នាំ២០១៣។(តាមព្រះរាជក្រឹត្យលេខ នស/រកត/០៥០៩/៥៥២ ចុះថ្ងៃទី២៦ ខែឧសភា ឆ្នាំ២០០៩)
- ឯកឧត្តម យឹម ធិន ជាប្រធានក្រុមប្រឹក្សាខេត្ត អាណត្តិទី១(តាមព្រះរាជក្រឹត្យលេខ នស/រកត/០៥០៩/៦០៣ ចុះថ្ងៃទី២៩ ខែឧសភា ឆ្នាំ២០០៩)
- ឯកឧត្តម ស ថាវី ជាអភិបាលខេត្ត ថ្ងៃទី១៤ ខែមេសា ឆ្នាំ២០១៣ ដល់ថ្ងៃទី១២ ខែវិច្ឆិកា ឆ្នាំ២០១៨។
- ឯកឧត្តម យឹម ធិន ជាប្រធានក្រុមប្រឹក្សាខេត្ត អាណត្តិទី២(តាមព្រះរាជក្រឹត្យលេខ នស/រកត/០៥១៤/៦៦១ ចុះថ្ងៃទី២៩ ខែឧសភា ឆ្នាំ២០១៤)
- ឯកឧត្តម ប៉ែន កុសល្យ ជាអភិបាលខេត្ត ថ្ងៃទី១២ ខែវិច្ឆិកា ឆ្នាំ២០១៨ រហូតដល់បច្ចុប្បន្ន។(តាមព្រះរាជក្រឹត្យលេខ នស/រកត/០១១៨/១២៣០ ចុះថ្ងៃទី១២ ខែវិច្ឆិកា ឆ្នាំ២០១៨ ស្តីពីការតែងតាំងអភិបាល នៃគណៈអភិបាលខេត្តឧត្តរមានជ័យ)
- ឯកឧត្តម ស៊ី ប្រាសិទ្ធ ជាប្រធានក្រុមប្រឹក្សាខេត្ត អាណត្តិទី៣(តាមព្រះរាជក្រឹត្យលេខ នស/រកត/០៦១៩/៧៦៥ ចុះថ្ងៃទី០៨ ខែមិថុនា ឆ្នាំ២០១៩)
- បច្ចុប្បន្ននេះខេត្តឧត្តរមានជ័យចែកជា ក្រុងចំនួន១ និងស្រុកទាំងអស់ចំនួន៤ គឺ៖
- ក្រុងសំរោង មាន៥សង្កាត់៖ សង្កាត់អូរស្មាច់ សង្កាត់បន្សាយរាក់ សង្កាត់កូនគ្រៀល សង្កាត់បុស្សស្បូវ និងសង្កាត់អូរស្មាច់ ។(ប្តូរពីស្រុកសំរោង មកជាក្រុងសំរោង តាមអនុក្រឹត្យលេខ១៧ អនក្រ.បក ចុះថ្ងៃទី០៩ ខែមករា ឆ្នាំ២០០៩)
- ស្រុកចុងកាល់ មាន៤ឃុំ៖ ឃុំជើងទៀន ឃុំចុងកាល់ ឃុំក្រសាំង និងឃុំពង្រ។
- ស្រុកបន្ទាយអំពិល មាន៤ឃុំ៖ ឃុំអំពិល ឃុំបេង ឃុំគោកខ្ពស់ និងឃុំគោកមន។
- ស្រុកអន្លង់វែង មាន៥ឃុំ៖ ឃុំអន្លង់វែង ឃុំលំទង ឃុំថ្លាត ឃុំត្រពាំងប្រីយ៍ និងឃុំត្រពាំងតាវ។
- ស្រុកត្រពាំងប្រាសាទ មាន៦ឃុំ៖ ឃុំត្រពាំងប្រាសាទ ឃុំបាក់អន្លូង ឃុំអូរស្វាយ ឃុំផ្អាវ ឃុំព្រះប្រឡាយ និងឃុំទំនប់ដាច់ ។