រដ្ឋបាលខេត្តឧត្តរមានជ័យ

Oddarmeanchey Administration

អាជ្ញាធរខេត្តឧត្ដរមានជ័យ ចេញសេចក្ដីសម្រេច បញ្ចប់ការបិទខ្ទប់ទីតាំងអាជីវកម្ម និងផ្ទះចំនួន ៧កន្លែង ស្ថិតនៅក្រុងសំរោង ខេត្តឧត្តរមានជ័យ

  • 623
  • ដោយ SEANGHIM

ត្រូវបានបញ្ចប់ការបិទខ្ទប់ទីតាំងអាជីវកម្ម និងផ្ទះចំនួន ៧កន្លែង ចាប់ពីថ្ងៃទី ២៩ ខែមិថុនា ឆ្នាំ ២០២១ តទៅ ស្ថិតនៅក្រុងសំរោង ខេត្តឧត្តរមានជ័យ ដូចខាងក្រោម៖

១. ផ្ទះរបស់ឈ្មោះ ជា វីរៈ ភេទប្រុស អាយុ ២៩ឆ្នាំ ស្ថិតនៅភូមិឈូក សង្កាត់សំរោង

២. ផ្ទះរបស់ឈ្មោះ រស់ ភេទស្រី អាយុ ៤៣ឆ្នាំ ស្ថិតនៅភូមិបុរីរដ្ឋបាល សង្កាត់សំរោង (ត្រូវជាម្តាយរបស់ឈ្មោះ ជា វីរៈ)

៣. ផ្ទះរបស់ឈ្មោះ ឆាន ឈួន ភេទប្រុស អាយុ ៥៥ឆ្នាំ ស្ថិតនៅភូមិបុរីរដ្ឋបាល សង្កាត់សំរោង

៤. ផ្ទះលក់គុយទាវរបស់ឈ្មោះ ស៊ុន គុយ ភេទប្រុស អាយុ ៦៣ឆ្នាំ ស្ថិតនៅភូមិកំណប់ សង្កាត់បន្សាយរាក់

៥. ទីតាំងលក់កាហ្វេឈ្មោះ ដេរ កាហ្វេ ស្ថិតនៅភូមិត្នោត សង្កាត់សំរោង

៦. ផ្ទះរបស់ឈ្មោះ សេម ជឿន ភេទស្រី អាយុ ៤៨ឆ្នាំ ស្ថិតនៅភូមិឈូក សង្កាត់សំរោង

៧. ផ្ទះរបស់ឈ្មោះ វុត ធី ភេទប្រុស អាយុ ៤២ឆ្នាំ ស្ថិតនៅភូមិបុរីរដ្ឋបាល សង្កាត់សំរោង

ដើម្បីចូលរួមទប់ស្កាត់នូវការចម្លងជំងឺកូវីដ-១៩ ឱ្យកាន់តែមានប្រសិទ្ធភាព រដ្ឋបាលខេត្តឧត្ដរមានជ័យ សូមជំរុញឱ្យប្រជាពលរដ្ឋគ្រប់រូប ចងចាំ និងចូលរួមអនុវត្តឱ្យបានខ្ជាប់ខ្លួនជានិច្ចនូវវិធានការការពារខ្លួនសាមញ្ញៗ និងត្រូវបន្ដប្រុងប្រយ័ត្នផ្ទាល់ខ្លួនពីការឆ្លងជំងឺកូវីដ-១៩ ដោយអនុវត្តឱ្យខាងតែបាននូវវិធានការ «បីកុំ និង បីការពារ» ដែល មានដូចខាងក្រោម៖

* ត្រូវអនុវត្ត វិធានការ បីការពារជាប់ជាប្រចាំ៖

១៖ ត្រូវលាងដៃឱ្យបានញឹកញាប់ជាមួយសាប៊ូ និងទឹកស្អាត ឬទឹកអាកុល ឬអាកុលដែលឱ្យបានលើសពី២០ដង ក្នុងមួយថ្ងៃ។

២៖ ត្រូវពាក់ម៉ាស់ ត្រូវខ្ទប់មាត់ និងច្រមុះ នៅពេលក្អក កណ្ដាស់ ដោយប្រើម៉ាស់ ប្រើកែងដៃ ឬប្រើក្រដាសជូត មាត់ ហើយត្រូវបោះចោលក្នុងធុងសំរាមបិទជិតត្រឹមត្រូវ។

៣៖ ត្រូវរក្សាគម្លាតសុវត្ថិភាពបុគ្គលឱ្យបានយ៉ាងតិច ១.៥ ម៉ែត្រឡើង ទៅពីម្នាក់ទៅម្នាក់។

* ត្រូវអនុវត្តវិធានការ ៣កុំ៖

១៖ កុំទៅកន្លែងដែលមានមនុស្សម្នាច្រើនកុះករ ឬការជួបជុំគ្នាច្រើន ឬពិធីដែលមានមនុស្សច្រើនពេក (Avoid crowded places)។

២៖ កុំទៅកន្លែងដែលបិទជិតឈឹង មិនមានខ្យល់ចេញចូលគ្រប់គ្រាន់ ហើយប្រើម៉ាស៊ីនត្រជាក់ច្រើនពេក (Avoid close settings)។

៣៖ កុំប៉ះពាល់គ្នា កុំចាប់ដៃគ្នា កុំឱបគ្នា កុំកៀកស្មាគ្នា នៅពេលជួបភ្ញៀវ ជាពិសេសនៅកន្លែងដែលមានមនុស្ស និយាយគ្នាច្រើន ហើយស្ថិតនៅជិតគ្នាពេក ហើយត្រូវប្រើវិធីសំពះគ្នាលើកដៃជាសញ្ញា ឬងក់ក្បាលជាដើម (Avoid close contacts) និងត្រូវរក្សាចម្ងាយពីគ្នាមួយម៉ែត្រកន្លះឡើងទៅ (Social and individual distancing)៕

ដើម្បីទទួលបានព័ត៌មានផ្លូវការ សូមអញ្ជើញចូលរួម Subscribe Telegram Channel អំពីខេត្តឧត្ដរមានជ័យ តាមរយៈ t.me/oddarmeanchey

អត្ថបទទាក់ទង