រដ្ឋបាលខេត្តឧត្តរមានជ័យ

Oddarmeanchey Administration

រដ្ឋបាលខេត្តឧត្តរមានជ័យ

Oddarmeanchey Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលខេត្តឧត្តរមានជ័យបានរៀបចំវគ្គបណ្តុះបណ្តាលជំនាញសរសេរព័ត៌មាន ដល់សិក្ខាកាមជាមន្រ្តីទទួលបន្ទុកព័ត៌មានមកពីតាមបណ្តាមន្ទីរ-អង្គភាពជុំវិញខេត្ត

ដោយ admin@oddarmeanchey.gov.khចំនួនទស្សនា (431)

(ឧត្តរមានជ័យ): នាព្រឹកថ្ងៃព្រហស្បតិ៍ ៤រោច ខែអាសាធ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៩ ខែកក្កដា ឆ្នាំ២០២០ ឯកឧត្តម ឌី រ៉ាដូអភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ បានអញ្ជើញចូលរួមជាអធិបតីក្នុងពិធីបើកវគ្គបណ្តុះបណ្តាលជំនាញសរសេរព័ត៌មាន ដល់សិក្ខាកាមជាមន្ត្រីទទួលបន្ទុកព័ត៌មានសាលាខេត្ត ក្រុង-ស្រុក និងមកពីតាមបណ្តាមន្ទីរ-អង្គភាពជុំវិញខេត្ត ដែលរៀបចំដោយរដ្ឋបាលខេត្ត ឧត្តរមានជ័យសហការជាមួយមន្ទីរព័ត៌មាន ខេត្ត នៅសាលប្រជុំសាលាខេត្តចាស់ មានសិក្ខាកាមចូលរួមចំនួន៩២នាក់ ។ ក្នុងនោះក៏មានការអញ្ជើញចូលរួមពី លោក លោកស្រី នាយករងរដ្ឋបាលខេត្ត ប្រធាន-អនុប្រធានមន្ទីរព័ត៌មានខេត្ត នាយក-នាយករងទីចាត់ការរដ្ឋបាល មន្រ្តីទទួលបន្ទកព័ត៌មានសាលាខេត្ត ក្រុង-ស្រុក និងតាមបណ្តាមន្ទីរ-អង្គភាពជុំវិញខេត្ត។

ការរៀបចំឱ្យមានជាវគ្គបណ្តុះបណ្តាលនេះឡើង គឺក្នុងគោលបំណងផ្ដល់ឱកាសដល់សិក្ខាកាមទាំងអស់ បានឈ្វេងយល់ពីការវិវត្តន៍ជឿនលឿនតួនាទីបច្ចេកវិទ្យានៃបដិវត្តន៍ឧស្សាហកម្ម ក្នុងបរិបទលំហូរព័ត៌មានយុគសម័យឌីជីថល ការចែករំលែកបទពិសោធន៍ ចំណេះជំនាញ និងគន្លឹះក្នុងការរៀបចំចងក្រង សរសេរខ្លឹមសារព័ត៌មាន និងការផលិតរូបភាព សម្រាប់យកទៅផ្សព្វផ្សាយនៅក្នុងបណ្តាញសង្គមរបស់មន្ទីរ-អង្គភាពរៀងៗខ្លួន។

ក្នុងនោះផងដែរ ឯកឧត្តម ឌី រ៉ាដូ បានមានប្រសាសន៍លើកឡើងថា ក្នុងបរិបទនៃលំហូរព័ត៌មានក្នុងយុគសម័យឌីជីថលនេះ វិស័យផ្សព្វផ្សាយ ពិតជាបានដើរតួយ៉ាងសំខាន់ ក្នុងការផ្តល់នូវព័ត៌មានពិតសម្រាប់សាធារណៈជន និងជាប្រយោជន៍ដ៏ឧត្តុងឧត្តមក្នុងការរួមចំណែកដល់ដំណើរការអភិវឌ្ឍសង្គមជាតិឱ្យមានការរីកចម្រើនជឿនលឿនទៅមុខ។ ដូច្នេះ ព័ត៌មានទាំងនោះ ទាមទារឱ្យអ្នកសរសេរ និងផលិតព័ត៌មានត្រូវតែមានសមត្ថភាពគ្រប់គ្រាន់ មានចំណេះជំនាញ មានក្រមសីលធម៌វិជ្ជាជីវៈអ្នកសារព័ត៌មាន ច្បាស់លាស់ ក្នុងការរៀបចំសរសេរខ្លឹមសារ និងការផលិតរូបភាព ឱ្យទទួលការចាប់អារម្មណ៍ពីមហាជន ក៏ដូចជាសាធារណៈមតិ និងប្រយុទ្ធប្រឆាំងនឹងព័ត៌មានមិនពិត ព័ត៌មានបំពុលសង្គម ដែលអាចបង្កជាមហន្តរាយណាមួយដល់សន្តិសុខ ស្ថិរភាព នយោបាយ និងការអភិវឌ្ឍរបស់ប្រទេសជាតិ។

ជាមួយគ្នានេះ ឯកឧត្តម ក៏បានសម្តែងនូវសុទិដ្ឋិនិយមខ្ពស់ថាវគ្គបណ្ដុះបណ្ដាលនាថ្ងៃនេះ នឹងពិតបានចូលរួមចំណែកយ៉ាងសំខាន់ក្នុងការលើកកម្ពស់សមត្ថភាព ជំនាញដល់សិក្ខាកាមជាមន្ត្រីព័ត៌មានយ៉ាងជាក់ជាមិនខាន យ៉ាងហោចណាស់ក៏អាចឱ្យស្គាល់ថាអី្វទៅជាព័ត៌មានពិត និងសារៈសំខាន់នៃព័ត៌មាន អ្វីជាតួនាទីរបស់អ្នកសារព័ត៌មាន និងរបៀបរបប ក្នុងការសសេរព័ត៌មានមួយដែលមានខ្លឹមសារស៊ីជម្រៅ ច្បាស់លាស់ ទាន់សភាពការណ៍ និងមានក្រមសីលធម៌វិជ្ជាជីវៈជាអ្នកសារព័ត៌មាន។

ឆ្លៀតក្នុងឱកាសនេះ ឯកឧត្តម បានថ្លែងនូវការកោតសសើរ និងវាយតម្លៃខ្ពស់ចំពោះមន្ទីរព័ត៌មានខេត្ត ដែលបានសហការល្អ ក្នុងការរៀបចំចងក្រងជាឯកសារ និងចាត់បញ្ជូនគ្រូបង្គោល ដើម្បីជួយសម្របសម្រួលក្នុងវគ្គបណ្តុះបណ្តាលនេះ។ ជាងនេះទៅទៀត ឯកឧត្តម អភិបាលរងខេត្ត ក៏បានធ្វើការផ្តាំផ្ញើដល់បងប្អូនជាសិក្ខាកាមទាំងអស់ ត្រូវយកចិត្តទុកដាក់ត្រងត្រាប់ស្ដាប់នូវបទបង្ហាញរបស់លោកគ្រូឧទ្ទេស ចូលរួមពិភាក្សាឱ្យបានផុលផុស និងត្រូវមានវត្តមានចូលរួមឱ្យបានពេញលេញ ដល់ចប់វគ្គ ដើម្បីញ៊ាំងឱ្យវគ្គបណ្ដុះបណ្ដាលនេះ ប្រពឹត្តទៅដោយរលូន និងទទួលបានជោគជ័យខ្ពស់។

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
ស្នងការដ្ឋានខេត្ត097 2666 642
Hotlineជណបរទេស097 3370 007
វ.ឯក ហម ភិរម្យ( អធិការសំរោង)097 9999 745
វ.ឯក រី ធារិទ្ធ( អធិការចុងកាល់)088 6934 999
វ.ទោ ថង កុសល់(អធិការរងបន្ទាយអំពិល)097 9053 368
វ.ទោ ស៊ូ នូវ (អធិការរងអន្លង់វែង)097 8575 666
វ.ទោ អ៊ូច ម៉ៅ(អធិការត្រពាំងប្រាសាទ)097 6666 959
វ.ទោ យូន ហំ(បញ្ជាការរងវរៈព្រំដែន702)011 26 28 06
វ.ឯក សឿម ផ្នើក(មេបញ្ជាការវរៈព្រំដែន905)097 5451 666
ODDAR MEANCHEY WEATHER
ព័ត៌មានជាប់ទាក់ទង

ភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្ដរមានជ័យ

អ៊ីមែល : info@oddarmeanchey.gov.kh

លេខទូរស័ព្ទ : (+855) 88 33 77 345, 70 44 07 74

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តឧត្តរមានជ័យ

កែប្រែចុងក្រោយ : 1 សប្ដាហ៍មុន