រដ្ឋបាលខេត្តឧត្តរមានជ័យ

Oddarmeanchey Administration

រដ្ឋបាលខេត្តឧត្តរមានជ័យ

Oddarmeanchey Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ព្រឹត្តិការណ៍​ កីឡាទេសចរណ៍អន្លង់វែង លើកទី២ ក្រោមប្រធានបទ(ថ្មើជើងប្រវត្តិសាស្ត្រ)

ដោយ kseanghim@oddarmeanchey.gov.khចំនួនទស្សនា (1.3K)

ថ្ងៃសៅរ៍ ១៥កើត ខែមាឃ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី៨ ខែកុម្ភៈ ឆ្នាំ២០២០ ក្រសួងទេសចរណ៍ និងរដ្ឋបាលខេត្តឧត្ដរមានជ័យ បើកព្រឹត្តិការណ៍​ កីឡាទេសចរណ៍អន្លង់វែង លើកទី២ ក្រោមអធិបតីភាព ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងប្រតិភូអមដំណើររបស់ក្រសួងទេសចរណ៍ និងឯកឧត្ដម ប៉ែន កុសល្យ អភិបាល នៃគណៈអភបាលខេត្តឧត្ដរមានជ័យ ដោយមាន​ការ​ចូលរួមពីសំណាក់ប្រតិភូខេត្តសុរិន្ទ ខេត្តស៊ី-សាកេត ​និងខេត្តឧត្តរមានជ័យ រួមនឹងក្រុមកីឡាករ កីឡាការិនី យ៉ាងច្រើនកុះករទាំងពីរប្រទេសដែលបានមកជួបជុំគ្នាសរុបប្រមាណជាង១៥០០នាក់ នៅលើ​ខ្នងភ្នំដងរ៉ែក ត្រង់ចំណុចទីតាំងបរិវេណពើយតាម៉ុក ស្ថិតនៅក្នុង​ស្រុកអន្លង់វែង ខេត្តឧត្តរមានជ័យ។

ឯកឧត្ដម អភិបាលខេត្ត បានមនប្រសាសន៍លើកឡើងថា ការរៀបចំព្រឹត្តការណ៍នេះឡើងគឺមិនត្រឹមតែពង្រឹងការរឹតចំណងមិត្តភាព មេត្រីភាពជាមួយប្រទេសថៃ ដែលជាប្រទេសជិតខាងភូមិផងរបងជាមួយប៉ុណ្ណោះទេ ប៉ុន្តែជាការបង្កើនការចាប់អារម្មណ៍ទៅលើសារៈសំខាន់ផ្នែកប្រវត្តិសាស្ត្ររបស់អន្លង់វែង លើចំនុច​គោលនៃសន្តិភាព សន្តិសុខ និងវិបុលភាពរបស់ប្រទេសកម្ពុជា និងដើម្បីបង្ហាញដល់ពិភពលោកថាកម្ពុជាគឺមានសុខសន្តិភាពពេញលេញបរិបូរណ៌ អាចឱ្យភ្ញៀវជាតិ និងអន្តរជាតិធ្វើដំណើរបានគ្រប់ទីកន្លែងទាំងអស់។​ ទន្ទឹមនេះ ទីតាំងដែលបានរៀបចំនូវព្រឹត្តការណ៍ គឺស្ថិតនៅស្រុកអន្លង់វែង ដែលជាស្រុកមួយរបស់ខេត្តឧត្តរមានជ័យ ស្ថិតនៅទិសពាយ័ព្យនៃប្រទេសកម្ពុជា និងមានព្រំប្រទល់ជាប់នឹងប្រទេសថៃ ដែលសម្បូណ៌ទៅដោយទីតាំងប្រវត្តិសាស្ត្រដ៏សោកសង្រេងជាច្រើនរបស់កម្ពុជា ជាពិសេស ស្រុកអន្លង់វែង ត្រូវបានស្គាល់ជាតំបន់តស៊ូចុងក្រោយរបស់ចលនាខ្មែរក្រហម និងបានបន្សល់នូវស្លាកស្នាមនៃការគ្រប់គ្រងរបស់ខ្មែរក្រហម ហើយអតីតកម្មាភិបាលជាច្រើនបន្តរស់នៅក្នុងតំបន់នេះ រហូតមកដល់សព្វថ្ងៃ។

ជាចុងបញ្ចប់ ឯកឧត្ដម បានផ្ដាំផ្ញើដល់ សមត្ថកិច្ចពាក់ព័ន្ធទាំងអស់ជួយ​សម្របសម្រួលក្នុងការឆ្លង​កាត់ចេញ-ចូលតាមច្រកទ្វារព្រំដែនឲ្យបានដំណើរការល្អប្រសើរ និងក្រុមគ្រូពេទ្យចូលរួមសហការ​ត្រៀម​ជួយអន្តរាគមន៍ឲ្យបានទាន់ពេលវេលា ក្នុងករណីគ្រោះថ្នាក់ដែលអាចកើតមានឡើងជា​​យ​ថា​ហេតុ ជាពិសេស ​កងកម្លាំង​ប្រដាប់អាវុធ សូមចាត់ចែងរក្សាសន្តិសុខ សណ្តាប់ធ្នាប់ របៀបរៀបរយ និងសុវត្ថិភាពជូនក្រុមកីឡាករ និងក្រុមសំដែងសិល្បះផ្សេងៗក្នុង​អំឡុងពេលដំណើរការព្រឹត្តិការណ៍ឲ្យបាន ល្អប្រសើរប្រកប​ដោយ​ការទទួលខុសត្រូវតាម​សមត្ថកិច្ចរៀងៗខ្លួន ។

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
ស្នងការដ្ឋានខេត្ត097 2666 642
Hotlineជណបរទេស097 3370 007
វ.ឯក ហម ភិរម្យ( អធិការសំរោង)097 9999 745
វ.ឯក រី ធារិទ្ធ( អធិការចុងកាល់)088 6934 999
វ.ទោ ថង កុសល់(អធិការរងបន្ទាយអំពិល)097 9053 368
វ.ទោ ស៊ូ នូវ (អធិការរងអន្លង់វែង)097 8575 666
វ.ទោ អ៊ូច ម៉ៅ(អធិការត្រពាំងប្រាសាទ)097 6666 959
វ.ទោ យូន ហំ(បញ្ជាការរងវរៈព្រំដែន702)011 26 28 06
វ.ឯក សឿម ផ្នើក(មេបញ្ជាការវរៈព្រំដែន905)097 5451 666
ODDAR MEANCHEY WEATHER
ព័ត៌មានជាប់ទាក់ទង

ភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្ដរមានជ័យ

អ៊ីមែល : info@oddarmeanchey.gov.kh

លេខទូរស័ព្ទ : (+855) 88 33 77 345, 70 44 07 74

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តឧត្តរមានជ័យ

កែប្រែចុងក្រោយ : 9 ម៉ោងមុន