រដ្ឋបាលខេត្តឧត្តរមានជ័យ

Oddarmeanchey Administration

រដ្ឋបាលខេត្តឧត្តរមានជ័យ

Oddarmeanchey Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ពិធីបើកការប្រកួតកីឡាមហាជនជ្រើសរើសជើងឯកថ្នាក់ខេត្តប្រចាំឆ្នាំ២០១៩

ដោយ nemsopheaktra@oddarmeanchey.gov.khចំនួនទស្សនា (254)

នៅព្រឹកថ្ងៃពុធ៦កើត ខែភទ្របទ ឆ្នំាកុរ ឯកស័ក ព.ស២០៥៦៣ ត្រូវនឹងថ្ងៃទី០៤ ខែកញ្ញា ឆ្នាំ២០១៩ នៅពហុកីឡដ្ឋានខេត្តឧត្តរមានជ័យ ឯកឧត្តម ឌី រ៉ាដូ អភិបាលរងនៃគណៈអភិបាលខេត្ត ក្នុងនាម ឯកឧត្តម ប៉ែន កុសល្យ អភិបាលនៃគណៈអភិបាលខេត្ត បានអញ្ចើញជាអធិបតី ក្នុងពិធីបើកការប្រកួតកីឡាមហាជនជ្រើសរើសជើងឯកថ្នាក់ខេត្តប្រចាំឆ្នាំ២០១៩  ។ ឆ្លៀតក្នុងឳកាសនោះ ឯកឧត្តម ក៏បានក្រើនរំលឹកទៅដល់ក្រុមកីឡាករ កីឡាការនីទាំងអស់ត្រូវតែយកចិត្តទុកដាក់នឹងខិតខិតខំហ្វឹកហ្វឺនដើម្បីបង្កើននូវសម្ថតភាពឲ្យបានខ្ពស់ ក្នុងការចូលរួមប្រកួតកីឡាជាតិលើកទី៣ ឆ្នាំ២០២០​ខាងមុខនេះ  ជាពិសេសនោះគឺសិស្សានុសិស្ស យុវជនត្រូវតែ ជៀសចេញឲ្យឆ្ងាយពីគ្រឿងញៀន និងអំពើនានាដែលសង្គមស្អប់ខ្ពើម និងខិតខំប្រឹងប្រែងរៀនសូត្រដើម្បីក្លាយខ្លួនទៅជាកូនល្អ សិស្សល្អ ពលរដ្ឋល្អនៅក្នុងសង្គម ក្នុងពិធីនេះដែរមានការអញ្ចើញចូលរួមពី ​ ប្រធានសាលាដំបូងខេត្ត ប្រធាន អនុប្រធានមន្ទីរ មេបញ្ជារការរងកងរាជអាវុធហត្ថខេត្ត លោកគ្រូ អ្នកគ្រូ រួមទាំងក្រុមកីឡាករ កីឡាការនី និងសិស្សានុសិស្សយ៉ាង​ច្រើនកុះករផងដែរ ។

ឯកឧត្ដមក៏បានបន្តថា ការប្រកួតកីឡាគឺជាការជួបជុំគ្នាគ្រប់មជ្ឈដ្ឋានសង្គម ដើម្បីផ្ដាស់ប្ដូរបទពិសោទន៍ ពីគ្នាទៅវិញទៅមក ក្នុងន័យសាមគ្គី ចេះអធ្យាស្រ័យរួបរួមគ្នា ព្រោះថាកីឡាមានសាៈសំខាន់ ធ្វើឲ្យយើងមានសុខភាពល្អនិងប្រាជ្ញាឈ្លាសវៃ និងធ្វើ ឲ្យមានសាមគ្គីភាពរវាងមនុស្ស នៅក្នុងក្រុមនិងបង្កើតមិត្តភាពរវាងគ្នានឹងគ្នា។ ជាពិសេសនោះ គឺក្រុមកីឡាករ និងសិស្សានុសិស្សត្រូវតែខិតខំរៀន  ដើម្បីឲ្យខ្លួនក្លាយទៅជាសិស្សល្អ ពលរដ្ឋល្អ ជៀសចេញឲ្យឆ្ងាយពីគ្រឿងញៀន ដោយគោរពវិន័យ ក្នុងវិស័យកីឡា និងចូលរួមទាំងអស់គ្នាគ្រប់ការងាររបស់សង្គម។

យ៉ាងណាមិញ សមិទ្ធិផលទំាងនេះកើតមកពីការដឹកនាំ ដ៏ឈ្លាសវៃរបស់សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា​ដែលជាមគ្គុទេសក៍ជាតិដ៏ឆ្នើមសម្រាប់ប្រជាពលរដ្ឋនិងសង្គមជាតិយើងដែលរស់នៅក្រោមដំបូលនៃសុខសន្តិភាពនិងការអភិវឌ្ឍន៍ឥតឈប់ឈរតាមរយៈគោលនយោបាយ​ឈ្នះៗ​​របស់សម្ដេច  ហើយបានប្រែក្លាយប្រទេសពីចំណុចសូន្យឲ្យមានភាពរីកចម្រើនស្ទើរគ្រប់វិស័យ ជាពិសេសនោះ​គឺវិស័យកីឡា​នេះឯង ។

តួយ៉ាងបើតាមរបាយការណ៍របស់លោក ប៉ិច រតនា ប្រធានមន្ទីរអប់រំ យុវជននិងកីឡាខេត្តឧត្ដរមានជ័យ បានឲ្យដឹងថា សមាសភាពកីឡាករ កីឡាការនីដែលបានមកចូលរួមប្រកួត គឺមកពីតាមបណ្ដាក្រុង ស្រុកនីមួយៗក្នុងខេត្តឧត្ដរមានជ័យ រួមមាន ក្រុងសំរោង ស្រុកចុងកាល់ និងស្រុកអន្លង់វែង ស្រុកបន្ទាយអំពិល និងស្រុកត្រពាំងប្រាសាទ ហើយប្រភេទកីឡាករដែលត្រូវប្រកួតរួមមានកីឡាអត្តពលកម្ម កីឡាបាល់ទាត់ បាល់ទះ បោះប៊ូល នឹងកីឡាប៉េតង់ ហើយសមាសភាពដែលត្រូវចូលរួមប្រកួតមានចំនួនសរុប៤១៤នាក់ កីឡការិនីចំនួន១៨៧ នាក់ផងដែរ។

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
ស្នងការដ្ឋានខេត្ត097 2666 642
Hotlineជណបរទេស097 3370 007
វ.ឯក ហម ភិរម្យ( អធិការសំរោង)097 9999 745
វ.ឯក រី ធារិទ្ធ( អធិការចុងកាល់)088 6934 999
វ.ទោ ថង កុសល់(អធិការរងបន្ទាយអំពិល)097 9053 368
វ.ទោ ស៊ូ នូវ (អធិការរងអន្លង់វែង)097 8575 666
វ.ទោ អ៊ូច ម៉ៅ(អធិការត្រពាំងប្រាសាទ)097 6666 959
វ.ទោ យូន ហំ(បញ្ជាការរងវរៈព្រំដែន702)011 26 28 06
វ.ឯក សឿម ផ្នើក(មេបញ្ជាការវរៈព្រំដែន905)097 5451 666
ODDAR MEANCHEY WEATHER
ព័ត៌មានជាប់ទាក់ទង

ភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្ដរមានជ័យ

អ៊ីមែល : info@oddarmeanchey.gov.kh

លេខទូរស័ព្ទ : (+855) 88 33 77 345, 70 44 07 74

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តឧត្តរមានជ័យ

កែប្រែចុងក្រោយ : 11 ម៉ោងមុន