កាលពីរសៀលថ្ងៃចន្ទ ៤រោច ខែស្រាពណ៍ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី១៩ ខែសីហា ឆ្នាំ២០១៩ ដោយមានការយកចិត្តទុកដាក់ខ្ពស់ ពីសំណាក់ឯកឧត្តម ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ ចំពោះដំណើរការប្រព្រឹត្តទៅនៃការប្រឡងសញ្ញាបត្រមធ្យមសិក្សាទុតិយភូមិ ខណៈពេលដែលអាកាសធាតុក្តៅហប់ពុំមានខ្យល់ ឯកឧត្តមអភិបាលខេត្ត បានចុះដឹកនាំបញ្ជាដោយផ្ទាល់លើការបាញ់ទឹក ដើម្បីឱ្យអាកាសធាតុចុះត្រជាក់ និងបន្ធូរបន្ថយបរិយាកាស ក៏ដូចជាដំណើរការប្រឡងឱ្យបានប្រសើរឡើងវិញ៕
