រដ្ឋបាលខេត្តឧត្តរមានជ័យ

Oddarmeanchey Administration

រដ្ឋបាលខេត្តឧត្តរមានជ័យ

Oddarmeanchey Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម​ ប៉ែន​ កុសល្យ អភិបាល  នៃគណៈអភិបាលខេត្តឧត្ដរមានជ័យ និងជា ប្រធានកិត្តិយស​សាខាកាកបាទក្រហមកម្ពុជា​ខេត្តឧត្តរមានជ័យ អមដំណើរ លោកជំទាវ​ ម៉ែន​ នារី​សោភ័គ​ អគ្គលេខាធិការរងទី​ ១​ កាកបាទក្រហមកម្ពុជា ព្រមទាំងសហការី ចុះសួរសុខទុក្ខ​ និងនាំយកអំណោយផ្តល់ជូនប្រជាពលរដ្ឋងាយរងគ្រោះបំផុតចំនួន​ ៣១០គ្រួសារ រស់នៅ ខេត្តឧត្តរមានជ័យ

ដោយ kseanghim@oddarmeanchey.gov.khចំនួនទស្សនា (586)

នៅព្រឹកថ្ងៃសៅរ៍ ទី​ ១៧​ ខែសីហា​ ឆ្នាំ២០១៩​ នេះ​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធាន​កាកបាទក្រហមកម្ពុជា​ បានចាត់ឱ្យ​ លោកជំទាវ​ ម៉ែន​ នារី​សោភ័គ​ អគ្គលេខាធិការរងទី​ ១​ កាកបាទក្រហមកម្ពុជា និងឯកឧត្តម​ ប៉ែន​ កុសល្យ អភិបាល  នៃគណៈអភិបាលខេត្តឧត្ដរមានជ័យ និងជា ប្រធានកិត្តិយស​សាខាកាកបាទក្រហមកម្ពុជា​ខេត្តឧត្តរមានជ័យ ព្រមទាំងសហការី​ ចុះសួរសុខទុក្ខ​ និងផ្តល់អំណោយមនុស្សធម៌ជូនប្រជាពលរដ្ឋងាយរងគ្រោះបំផុតចំនួន​ ៣១០គ្រួសារ​រស់នៅស្រុកអន្លង់វែង​ និងស្រុកត្រពាំងប្រាសាទ ខេត្តឧត្តរមានជ័យ​ ដែល​ពិធី​នេះបានរៀបចំនៅទីលានដំឡូង​ ភូមិទួលគ្រួស​ ឃុំថ្លាត ស្រុកអន្លង់វែង​ ខេត្តឧត្តរមានជ័យ​។  

ក្នុងឱកាសជួបសំណេះសំណាលជាមួយប្រជាពលរដ្ឋទាំងអស់​ ​លោកជំទាវ​អគ្គលេខាធិការរងទី​ ១​ បានពាំនាំនូវប្រសាសន៍របស់​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ដែលផ្ដាំផ្ញើសួរសុខទុក្ខ​ ក្តីនឹករលឹក​ អាណិតស្រឡាញ់​យ៉ាងជ្រាលជ្រៅ​ និងគិតគូរជានិច្ច​ចំពោះសុខទុក្ខ ជាពិសេស​ក្តីសោមនស្ស​រីករាយ​ជាមួយប្រជាពលរដ្ឋទាំងអស់​ ដែល​រស់នៅតំបន់ធ្លាប់​ជាសមរភូមិប្រយុទ្ធប្រែក្លាយ​ជាមានសន្តិភាព​ ស្ថិរភាព​ និងអភិវឌ្ឍដូចសព្វថ្ងៃនេះ។

ទន្ទឹមនឹងនេះ​​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​​ បានអំពាវនាវដល់​ប្រជា​ពលរដ្ឋ​ទាំង​អស់នូវខ្លឹមសារដូចខាងក្រោម​ ៖
-​ ​សូមថែទាំសុខភាព​ឱ្យបានល្អដេីម្បីកាត់បន្ថយការចំណាយក្នុងគ្រួសារ​ ដោយត្រូវ​រស់នៅមាន​អនាម័យ​​ ពិសា​ទឹកដាំឆ្អិន និងបរិភោគអាហារូបត្ថម្ភ​ឱ្យបានត្រឹមត្រូវ​ជៀសវាងជំងឺលេីសឈាម​ ជំងឺបេះដូង​ ឈឺសន្លាក់ ឬទឹកនោមផ្អែម។ល។
-​ សូមសម្អាតបរិស្ថាន​ជុំវិញផ្ទះ​ លុបបំបាត់ជម្រកសត្វមូស​ គេងក្នុងមុងជានិច្ច​ជៀសវាង​ជំងឺគ្រុនឈាម​-គ្រុនចាញ់​ ហេីយប្រសិនបេីក្តៅខ្លួន​ ឬចេញរោគសញ្ញាណាមួយ​ត្រូវប្រញាប់ទៅមន្ទីរពេទ្យ​ដេីម្បីព្យាបាលជាបន្ទាន់​ ជៀសវាងបណ្តែតបណ្តោយពេលវេលាធ្វេីឱ្យប៉ះពាល់ដល់អាយុជីវិត។
– សូមស្ត្រីមានផ្ទៃពោះ​ អញ្ជេីញទៅពិនិត្យផ្ទៃពោះឱ្យបានទៀងទាត់​ អនុវត្តតាមការណែនាំរបស់គ្រូពេទ្យ​ និងទៅសម្រាលកូន​នៅមណ្ឌលសុខភាព​ដែលនៅជិតបំផុត។
-​ សូមស្ត្រីមានផ្ទៃពោះ​ដែលមានផ្ទុកមេរោគអេដស៍​ត្រូវទៅពិនិត្យសុខភាពនិងពិគ្រោះជាមួយគ្រូពេទ្យ​ដេីម្បីបង្ការការឆ្លងមេរោគពីម្តាយទៅកូន។
-​ សូមចូលរួមចំណែកទាំងអស់គ្នា​ លុបបំបាត់គ្រឿង​ញៀន​ គ្រឿងស្រវឹង​ និងល្បែងស៊ីសងគ្រប់ប្រភេទ​ ដេីម្បីលេីក​កម្ពស់គោលនយោបាយភូមិឃុំមានសុវត្ថិភាព។
-​ សូមប្រជាពលរដ្ឋ​គិតគូរពីសុវត្ថិភាព​ចរាចរណ៍​ ដែលជាបញ្ហាប្រឈម​បង្កឱ្យមានការស្លាប់និងពិការភាពជារៀងរាល់ថ្ងៃ។

សូមបញ្ជាក់ថា​ អំណោយដែលបានចែកជូនគ្រួសារនីមួយៗរួមមាន ៖​ អង្ករ​ ៣០គីឡូក្រាម​ មី១កេស​ ត្រីខ​ ១០កំប៉ុង​ ឃីត១​ (មុង​ ភួយ​ សារុង​ ក្រមា​ អាវយឺត​)​​ និងថវិកាថ្លៃធ្វេីដំណេីរចំនួន​ ១ម៉ឺនរៀល៕

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
ស្នងការដ្ឋានខេត្ត097 2666 642
Hotlineជណបរទេស097 3370 007
វ.ឯក ហម ភិរម្យ( អធិការសំរោង)097 9999 745
វ.ឯក រី ធារិទ្ធ( អធិការចុងកាល់)088 6934 999
វ.ទោ ថង កុសល់(អធិការរងបន្ទាយអំពិល)097 9053 368
វ.ទោ ស៊ូ នូវ (អធិការរងអន្លង់វែង)097 8575 666
វ.ទោ អ៊ូច ម៉ៅ(អធិការត្រពាំងប្រាសាទ)097 6666 959
វ.ទោ យូន ហំ(បញ្ជាការរងវរៈព្រំដែន702)011 26 28 06
វ.ឯក សឿម ផ្នើក(មេបញ្ជាការវរៈព្រំដែន905)097 5451 666
ODDAR MEANCHEY WEATHER
ព័ត៌មានជាប់ទាក់ទង

ភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្ដរមានជ័យ

អ៊ីមែល : info@oddarmeanchey.gov.kh

លេខទូរស័ព្ទ : (+855) 88 33 77 345, 70 44 07 74

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តឧត្តរមានជ័យ

កែប្រែចុងក្រោយ : 1 សប្ដាហ៍មុន