រដ្ឋបាលខេត្តឧត្តរមានជ័យ

Oddarmeanchey Administration

រដ្ឋបាលខេត្តឧត្តរមានជ័យ

Oddarmeanchey Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សិលាចារឹកមួយផ្ទាំង ស្ថិតនៅក្នុងសម័យអង្គរ សតវត្សទី១១ត្រូវបានមន្រ្តីជំនាញយកមករក្សាទុក និងអភិរក្សនៅក្នុងមន្ទីរវប្បធម៌​ និងវិចិត្រសិល្បៈខេត្តឧត្ដរមានជ័យ

ដោយ admin@oddarmeanchey.gov.khចំនួនទស្សនា (1.8K)

នៅថ្ងៃសុក្រ ០៩កើត ខែស្រាពណ៍ ឆ្នាំកុរ ឯកស័កព.ស.២៥៦៣ ត្រូវនឹង ថ្ងៃទី០៩ ខែសីហា ឆ្នាំ២០១៩ លោក ហុង យឿន ប្រធានមន្ទីរវប្បធម៌ និងវិចិត្រសិល្បៈខេត្តឧត្តរមានជ័យ បានចាត់បញ្ជូនមន្ត្រីជំនាញចុះទៅធ្វើការប្រគល់ និងទទួលសិលាចារឹកមួយផ្ទាំង នៅវត្តពុទ្ធោអរហំ ហៅវត្តភ្នំដី ស្ថិតនៅភូមិខ្នារ ឃុំក្រសាំង ស្រុកចុងកាល់ ខេត្តឧត្តរមានជ័យ ដើម្បីយកមករក្សាទុក និងអភិរក្សជាសម្បត្តិបេតិកភណ្ឌវប្បធម៌ជាតិ។


នៅក្នុងការប្រគល់និងទទួលសិលាចារឹកនេះគឺមានការចូលរួមពីមន្រ្តីជំនាញនៃការិយាល័យបេតិកភណ្ឌ , ការិយាល័យសារមន្ទីរ, នគរបាលការពារបេតិកភណ្ឌនៃស្នងការនគរបាលខេត្ត, ប្រធានការិយាល័យវប្បធម៌ស្រុក លោកមេឃុំក្រសាំង គណៈកម្មាការ និងលោកចៅអធិការ វត្តពុទ្ធោអរហំ ហៅវត្តភ្នំដី ព្រមទាំងពុទ្ធបរិស័ទយ៉ាងច្រើនកុះករ ដើម្បីធ្វើជាសាក្សី ស្ថិតក្នុងបរិយាកាសការសហការណ៍ប្រកបដោយសេចក្តីរីករាយ។ សិលាចារឹកដែលទទួលបានគឺធ្វើពីថ្មភក់ ស្ថិតនៅក្នុងសម័យអង្គរ សតវត្សទី១១ យកចេញពីប្រាសាទត្រពាំងរូង មានទំហំ កម្ពស់ ១.០២ម ទទឹង០.៤៥ម និងកម្រាស់ ០.៣៥ម មានសរសេរអក្សរទាំងបួនជ្រុង ប៉ុន្តែសិលាចារឹកនេះមានការសឹករេចរិលរលុបអក្សរអស់មួយចំនួន និងបែកនៅផ្នែកខ្លះ។ បច្ចុប្បន្នសិលាចារឹកនេះត្រូវបានមន្ត្រីជំនាញ នៃមន្ទីរវប្បធម៌បានដឹកយកមករក្សាទុក និងអភិរក្សនៅក្នុងមន្ទីរវប្បធម៌​ និងវិចិត្រសិល្បៈខេត្តឧត្ដរមានជ័យ។
អត្តបទដោយៈ យាន យ៉ា មន្រ្តីការិយាល័យបេតិកភណ្ឌ

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
ស្នងការដ្ឋានខេត្ត097 2666 642
Hotlineជណបរទេស097 3370 007
វ.ឯក ហម ភិរម្យ( អធិការសំរោង)097 9999 745
វ.ឯក រី ធារិទ្ធ( អធិការចុងកាល់)088 6934 999
វ.ទោ ថង កុសល់(អធិការរងបន្ទាយអំពិល)097 9053 368
វ.ទោ ស៊ូ នូវ (អធិការរងអន្លង់វែង)097 8575 666
វ.ទោ អ៊ូច ម៉ៅ(អធិការត្រពាំងប្រាសាទ)097 6666 959
វ.ទោ យូន ហំ(បញ្ជាការរងវរៈព្រំដែន702)011 26 28 06
វ.ឯក សឿម ផ្នើក(មេបញ្ជាការវរៈព្រំដែន905)097 5451 666
ODDAR MEANCHEY WEATHER
ព័ត៌មានជាប់ទាក់ទង

ភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្ដរមានជ័យ

អ៊ីមែល : info@oddarmeanchey.gov.kh

លេខទូរស័ព្ទ : (+855) 88 33 77 345, 70 44 07 74

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តឧត្តរមានជ័យ

កែប្រែចុងក្រោយ : 1 សប្ដាហ៍មុន