រដ្ឋបាលខេត្តឧត្តរមានជ័យ

Oddarmeanchey Administration

រដ្ឋបាលខេត្តឧត្តរមានជ័យ

Oddarmeanchey Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្ដម ប៉ែន កុសល្យ អភិបាល នៃគណៈអភិបាលខេត្តឧត្ដរមានជ័យ​ អញ្ជើញជាអធិបតី ក្នុងកម្មវិធី រំលឹកគុណគ្រូនៅ វិទ្យាល័យ ហ៊ុន សែន ឧត្តរមានជ័យ

ដោយ admin@oddarmeanchey.gov.khចំនួនទស្សនា (534)

នាព្រឹកថ្ងៃសៅរ៍ ៣កើត ខែស្រាពណ៍ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី៣ ខែសីហា ឆ្នាំ២០១៩ ឯកឧត្ដម ប៉ែន កុសល្យ អភិបាល នៃគណៈអភិបាលខេត្តឧត្ដរមានជ័យ និង ឯកឧត្ដម ស៊ី ប្រាសិទ្ធ ប្រធានក្រុមប្រឹក្សាខេត្ត អញ្ជើញជាអធិបតី ក្នុងពិធីគរុគុណ ឬរំលឹកគុណគ្រូ នៃវិទ្យាល័យ ហ៊ុន សែន ឧត្តរមានជ័យ ក្នុងនោះក៏មានការអញ្ជើញចូលរួមពី ឯកឧត្ដម លោកជំទាវអភិបាលរងខេត្ត មន្ទីរអង្គភាព រួមទាំងលោកគ្រូ អ្នកគ្រូ សិស្សានុសិស្សយ៉ាងច្រើនកុះករ។

ក្នុងនោះ ឯកឧត្តម ប៉ែន កុសល្យ អភិបាលខេត្តឧត្ដរមានជ័យ បានមានប្រសាសន៍លើកឡើងថា ពិធីរំលឹកគុណលោកគ្រូ អ្នកគ្រូ គឺជាពិធីមួយដែលបញ្ជាក់អំពីទឹកចិត្តកតញូរបស់សិស្សានុសិស្ស គ្រប់រូប​ចំពោះលោកគ្រូ អ្នកគ្រូ ដែលបានខិតខំបង្ហាត់បង្រៀនសិស្សគ្រប់រូបឲ្យមាននូវពុទ្ធិច្បាស់លាស់ប្រកបដោយបញ្ញាញាណក្នុងការត្រិះរិះនូវរាល់កិច្ចការរកស៊ីចិញ្ចឹមជីវិតប្រចាំថ្ងៃប្រកបដោយគុណធម៌ និងសិលធម៌ល្អក្នុងសង្គម ដើម្បីក្លាយទៅជាទំពាំងស្នងឬស្សី អភិវឌ្ឍន៍កសាងប្រទេសជាតិឲ្យមានការរីកចម្រើននៅពេលអនាគត់។

ឯកឧត្ដម បន្ដថា ក្រៅពីឪពុកម្តាយគឺមានលោកគ្រូ អ្នកគ្រូនេះហើយ ដែលជាមាតា បិតាទី២ របស់សិស្សានុសិស្សទាំងអស់គ្នា ដែលពួកគាត់​បានបង្ហាត់​បង្រៀននូវចំណេះដឹងជាច្រើនដល់សិស្សគ្រប់គ្នា ដើម្បីឲ្យសិស្សានុសិស្សទទួលបាននូវបទពិសោធន៍ល្អៗ មានសមត្ថភាពពេញលេញ ក្នុងការអភិវឌ្ឍខ្លួនប្រកបដោយភាពរឹងមាំ និងការរីកចម្រើន ក្លាយខ្លួនជាអ្នកដឹកនាំ ក្លាយខ្លួនទៅជាសសរទ្រូង ដ៏រឹងមាំរបស់ប្រទេសជាតិ និងជាអ្នកបន្តវេនដ៏មានប្រសិទ្ធភាព ក្នុងការកសាងប្រទេសជាតិផងដែរ។

ក្នុងកម្មវិធីដ៏វិសេសនេះ ឯកឧត្ដម ប៉ែន កុសល្យ ក៏បានផ្ដាំផ្ញើរ ទៅដល់ សិស្សានុសិស្ស ទាំងអស់ ត្រូវតែខិតខំរៀនសូត្រឲ្យពូកែ និងត្រូវជៀសឆ្ងាយពីគ្រឿងញៀន ដើម្បីក្លាយខ្លួនទៅជាសិស្សល្អ កូនល្អ មិត្តល្អ និងពលរដ្ឋល្អសម្រាប់ប្រទេសជាតិនាពេលអនាគត់ ជាពិសេសនោះ សិស្សានុសិស្ស ត្រូវមានក្រមសីលធម៌ក្នុងការរស់នៅ និងស្តាប់ដំបូន្មានរបស់ឪពុក ម្តាយ លោកគ្រូ អ្នកគ្រូ និងគោរពវិន័យជាដាច់ខាត ព្រោះវិន័យនេះហើយ គឺជាក្រមសីលធម៌មិនអាចខ្វះបាន ដូចពាក្យស្លោកមួយ បាននិយាយថា «វិន័យនាំមកនូវសេចក្តីថ្លៃថ្នូរ»។

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
ស្នងការដ្ឋានខេត្ត097 2666 642
Hotlineជណបរទេស097 3370 007
វ.ឯក ហម ភិរម្យ( អធិការសំរោង)097 9999 745
វ.ឯក រី ធារិទ្ធ( អធិការចុងកាល់)088 6934 999
វ.ទោ ថង កុសល់(អធិការរងបន្ទាយអំពិល)097 9053 368
វ.ទោ ស៊ូ នូវ (អធិការរងអន្លង់វែង)097 8575 666
វ.ទោ អ៊ូច ម៉ៅ(អធិការត្រពាំងប្រាសាទ)097 6666 959
វ.ទោ យូន ហំ(បញ្ជាការរងវរៈព្រំដែន702)011 26 28 06
វ.ឯក សឿម ផ្នើក(មេបញ្ជាការវរៈព្រំដែន905)097 5451 666
ODDAR MEANCHEY WEATHER
ព័ត៌មានជាប់ទាក់ទង

ភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្ដរមានជ័យ

អ៊ីមែល : info@oddarmeanchey.gov.kh

លេខទូរស័ព្ទ : (+855) 88 33 77 345, 70 44 07 74

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តឧត្តរមានជ័យ

កែប្រែចុងក្រោយ : 11 ម៉ោងមុន