រដ្ឋបាលខេត្តឧត្តរមានជ័យ

Oddarmeanchey Administration

រដ្ឋបាលខេត្តឧត្តរមានជ័យ

Oddarmeanchey Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

កូនឈើក្រញូងចំនួន ២៥០០ដើម ត្រូវបានដាក់ដាំក្នុងផ្ទៃដីបីហិកតា នៅទីស្នាក់ការកណ្ដាលរបស់ ព្រៃសហគមន៍សង្ឃរុក្ខាវ័ន

ដោយ admin@oddarmeanchey.gov.khចំនួនទស្សនា (1.2K)

នាព្រឹកថ្ងៃសៅរ៍ ០៣កើត ខែស្រាពណ៍ ឆ្នាំកុរ ឯកស័ក ព.ស ២៥៦៣ត្រូវនឹងថ្ងៃ​ទី០៣ខែសីហាឆ្នាំ២០១៩ ឯកឧត្ដម ប៉ែន កុសល្យ អភិបាលខេត្តឧត្ដរមានជ័យ និង ឯកឧត្ដម ស៊ី ប្រាសិទ្ធ ប្រធានក្រុមប្រឹក្សាខេត្ត ដឹកនាំមន្រ្តី​​​រាជជុំវិញខេត្ត នាំយកកូនឈើក្រញូងចំនួន ២៥០០ដើម ទៅដាក់ដាំនៅនៅទីស្នាក់ការកណ្ដាលរបស់ ព្រៃសង្ឃរុក្ខាវ័ន ដែលស្ថិតនៅភូមិឈូកមាស សង្កាត់កូនក្រៀល ក្រុងសំរោង ខេត្តឧត្ដរមានជ័យ។

ក្នុងនោះតាមការបញ្ជាក់ពី ព្រះតេជគណឧត្ដរមណី ប៊ុន សាលួត ព្រះមេគុណខេត្ត និងជាព្រះប្រធានដែនជម្រកសត្វព្រៃសង្ឃរុក្ខាវ័ន បានឲ្យដឹងថា ព្រៃសង្ឃសហគមន៍រុក្ខាវ័ន ខេត្តឧត្ដរមានជ័យ មានផ្ទៃក្រឡាចំនួន១៨២៦១ហិកតា ជាប់ព្រំប្រទល់ទៅនិងក្រុង ស្រុកចំនួន ០៣គឺ ក្រុងសំរោង ស្រុកអន្លង់វែង និងស្រុកចុងកាល់។

ឯកឧត្តម ប៉ែន កុសល្យ​​​​​ អភិបាលខេត្តឧត្ដរមានជ័យ បានលើកឡើងថា ព្រៃឈើគឺជាប្រភពធនធម្មជាតិដ៏សំខាន់ សម្រាប់ប្រទេសជាតិ ហើយការដាំកូនឈើក្រញូង នៅក្នុង ព្រៃសង្ឃសហគមន៍រូបវន្តនាពេលនេះ គឺដើម្បីស្ដារធនធានធម្មជាតិឡើងវិញ ការពារធនធានធម្មជាតិចម្រុះ និងការកាត់បន្ថយឥទ្ធិពលអវិជ្ជមាននៃការប្រែប្រួលអាកាសធាតុ កាត់បន្ថយគ្រោះធម្មជាតិនានា ជាពិសេសនោះ គឺទុកជាសម្បិត្តជាតិ និងជាសម្បិត្តិសកលមនុស្សជាតិ សម្រាប់សិក្សាស្រាវជ្រាវ ដើម្បីកែប្រែសោភ័ណ្ឌភាពសហគមន៍ និងដើម្បីលើកស្ទួយមុខមាត់ខេត្តឧត្ដរមានជ័យរបស់យើង។

ឯកឧត្ដម បន្តថា គណៈបញ្ជាការរដ្ឋបាលក្រុង ស្រុក និងសមត្ថកិច្ចជំនាញពាក់ព័ន្ធត្រូវចាត់វិធានការយ៉ាងមឺងម៉ាត់បំផុតស្របតាមសារាចរណែនាំលេខ០៥ សរណន ចុះនៅថ្ងៃទី២៥ខែកញ្ញាឆ្នាំ២០១៦ របស់រាជរដ្ឋាភិបាលកម្ពុជា ក្នុងការបង្ការ ទប់ស្កាត់ និងបង្រ្កាបបទល្មើសព្រៃឈើ និងជនផល ឲ្យកាន់តែសកម្មថែមទៀតចំពោះបទល្មើស ដោយគ្មានការលើកលែង និងត្រូវមានវិធានការលួចលាក់ ក្នុងការបង្ការ ទប់ស្កាត់ និងលុបបំបាត់ការរុករាន ដុត ឈូសឆាយដី ព្រៃឈើធ្វើជាកម្មសិទ្ធខុសច្បាប់ អាជ្ញាធរ ឬសមត្ថកិច្ចត្រូវសហការជាមួយ ប្រជាពលរដ្ឋត្រូវចូលរួមទប់ស្កាត់ការកាប់បំផ្លាញព្រៃឈើ ក៏ដូចជា ធនធានធម្មជាតិផ្សេងទៀត ឲ្យបានទាន់ពេលវេលា។

យ៉ាងណាមិញ ឯឧត្ដម អភិបាលខេត្ត ក៏បានអំពាវនាវឲ្យប្រជាពលរដ្ឋក្នុងខេត្តទាំងអស់ ត្រូវចូលរួមបន្តថែរក្សា ការពារព្រៃឈើដែលមានស្រាប់ ព្រមទាំងជំរុញការដាំកូនឈើគ្រប់ប្រភេទឲ្យកាន់តែខ្លាំងក្លាបន្ថែមទៀតនៅតាមវត្តអារាម ភូមិដ្ឋាន សហគមន៍ និងទីកន្លែងផ្សេងទៀតៗឲ្យបានច្រើន ជាអតិបរិមារួមទាំងការដាំដុះដំណាំកសិកម្ម ដើមឈើហូបផ្លែ ការចិញ្ចឹមសត្វ និងវារីវប្បកម្ម ដើម្បីបង្កើនសេច្ចកិច្ចគ្រួសារផងដែរ៕

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
ស្នងការដ្ឋានខេត្ត097 2666 642
Hotlineជណបរទេស097 3370 007
វ.ឯក ហម ភិរម្យ( អធិការសំរោង)097 9999 745
វ.ឯក រី ធារិទ្ធ( អធិការចុងកាល់)088 6934 999
វ.ទោ ថង កុសល់(អធិការរងបន្ទាយអំពិល)097 9053 368
វ.ទោ ស៊ូ នូវ (អធិការរងអន្លង់វែង)097 8575 666
វ.ទោ អ៊ូច ម៉ៅ(អធិការត្រពាំងប្រាសាទ)097 6666 959
វ.ទោ យូន ហំ(បញ្ជាការរងវរៈព្រំដែន702)011 26 28 06
វ.ឯក សឿម ផ្នើក(មេបញ្ជាការវរៈព្រំដែន905)097 5451 666
ODDAR MEANCHEY WEATHER
ព័ត៌មានជាប់ទាក់ទង

ភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្ដរមានជ័យ

អ៊ីមែល : info@oddarmeanchey.gov.kh

លេខទូរស័ព្ទ : (+855) 88 33 77 345, 70 44 07 74

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តឧត្តរមានជ័យ

កែប្រែចុងក្រោយ : 1 សប្ដាហ៍មុន